வெளிச்சத்திற்கு வாங்க 48

 

“வெளிச்சத்திற்கு வாங்க...”

-         -48-

எப்படியோ ஒரு வழியா சனியார் பெயர்ச்சி வந்தே விட்டது. ஆனாலும் பாருங்க... எந்த சானலை திருப்பினாலும் சனிப்பெயர்ச்சி பலன்கள்,என்று சொல்லாமல் விடுவதில்லை. அதிலும் இந்த ராசிக்கு நல்லது என்று ஒருவர் சொன்னால், இன்னொரு கண்ணோட்டத்தில் இப்படி இருக்க வேண்டிய அவசியம் இல்லை என்று இன்னொரு சானலில் சொல்றாங்க..

இன்னும் சிலர் இந்த ராசிபலன் ஒரு குறிப்பிட்ட அளவில் தான் மற்றபடி உங்கள் பிறப்பு ஜாதகத்தை வைத்து தான் பலன் சொல்ல வேண்டும் என்று சொல்றாங்க..

ஒவ்வொருவரும், ஒரு கண்ணோட்டத்தில் சொன்னாலும், அவரவர்கள் சொல்வதை கேட்கும் போது, அது சரி தான் என்று சொல்வது போல தோன்றுகிறது. ஆனாலும் நமக்குன்னு ஒரு கஷ்டம் வந்து விட்டால், அந்த வருத்தமும் சோகமும் பொறுத்துக் கொள்ள முடிவதில்லை.

என்ன தான் ஆறுதல் சொன்னாலும், எவ்வளவு தான் சமாதானம் சொன்னாலும், நமக்குன்னு என்ன இருக்குதோ அது நடந்தே தீரும் என்பதை பட்டு உணர்ந்த பிறகு சுமைகளை சுமந்து  பிறகு தான் தெரிந்து கொள்ள முடிகிறது.

முட்கிரீடம் சுமந்து சிலுவையில் மறித்த ஏசு நாதரானாலும் சரி, ஈரேழு ஆண்டுகள் வனவாசம் சென்ற இராமனானாலும் சரி என்று நிறைய கதைகள் சொல்லலாம். “நடப்பதுதானே   நடக்கும்” என்பதை கொஞ்சம் இடைவெளி விட்டு சொல்லி பாருங்கள். “நடப்பது,    தானே நடக்கும்” மற்றது உங்களுக்கே புரியும்.

இந்த சனியார் பெயர்ச்சியும் மற்ற கிரக பெயர்ச்சிகளும் இந்துக்களுக்கு மட்டும் தானா...? மற்ற மதத்தினார்களுக்கு இல்லையா? என்ற சந்தேகமும், இந்து மதத்தில் மட்டும் தான் அது இது என பரிகாரம் சொல்றாங்களே மற்ற மதத்தினர்களுக்கு இது போல எதுவுமே இல்லையா..? இந்த கிரகங்கள் எல்லாம் இந்துக்களை மட்டும் தான் பாதிக்குமா என்று சிலருக்கு சந்தேகம் வரலாம். அவர்களுக்கு பதில் சொல்லும் விதமாக தான் இந்த வார பதிவு.

காலையில் உதிக்கும் சூரியன் மாலையில் மறைவது என்பது எல்லா மதத்தினருக்கும் ஒன்று தான் அவரவர்கள் இருப்பிடத்தை ஒட்டி உதிக்கின்ற அல்லது மறைகின்ற நேரம் மாறலாமே தவிர  உதிப்பதும் பின் மறைவதும் இயல்பானதே அதில் மாற்றம் இல்லை. மத வேறுபாடும் இல்லை. 

எந்த மதத்தினராக இருந்தாலும் அன்பு ஒன்று தான் பிரதானம் என்ற அடிப்படையை புரிந்து கொள்ளுங்கள். அன்பு வேண்டாம் என்று சொல்லக் கூடிய மதம் ஒன்றை சொல்லுங்கள் என்று கேட்டு பாருங்கள் ஒருவரும் பதில் சொல்ல முன்வர மாட்டார்கள்.

அந்த நிலையில் அல்லது செயல் முறையில் தான் மாற்றம் வருமே தவிர அன்பு ஒன்றே பிரதானம் என்பதை விலங்குகளிடமிருந்து கூட கற்றுக் கொள்ள முடியும்.

அது போல தான் கிரகங்களும் அவரவர்களுக்கு இட்ட  வேலைகளை அவர்கள் சரியாக செய்வார்கள். மாற்று மதத்தினர் சோதிடம் பார்க்க வரும்ம் போது, அவர்கள் மனதை புன்படுத்தாத வகையில், அவர்கள் சமய வழிபாட்டு முறைகளை சொல்லி நல்வழிப்படுத்த வேண்டும் என்பது தான் சோதிடர்களின் அடிப்படை கடமை என்பதை புரிந்து கொண்டால் சொல்ல வரும் விஷயத்தை புரிந்து கொள்ள முடியும்.

சனியார் பெயர்ச்சி பற்றிய சிந்தனைக்கு வரலாம். சனியார் பெயர்ச்சியினுடைய தாக்கமும் பாதிப்பும் எல்லா மதத்தினருக்கு மட்டுமல்ல இது பற்றிய நம்பிக்கை இல்லாதவர்களுக்கும் உண்டு. இதில் துளியும் மாற்றுக் கருத்து இல்லை.  அவர்கள் பிரச்சனை வரக் கூடிய சூழலாக இருந்தால் அதை சந்திக்க தயாராக இருப்பார்கள், அல்லது ஏற்றுக் கொள்ள தயாராக இருப்பார்கள் என்று தான் சொல்ல வேண்டும்.

அப்படி என்றால் பரிகாரங்கள் செய்வதால் இந்த தாக்கம் குறையுமா என்று கேட்க வருகிறீர்கள் புரிகிறது. பரிகாரங்கள் செய்வதும் செய்யமாட்டார்கள் என்று சொல்வதும் ஜாதகத்தில் சொல்லிட முடியும் என்றால் இந்த கேள்விக்கான பதில் உங்களுக்கே கிடைத்து இருக்கும்.

லாப சனி, கர்ம சனி, அஷ்டம சனி, கண்டக சனி, ரோக சனி, அர்த்தாஷ்டம சனி, ஜென்ம சனி, விரய சனி என்று எந்த நிலையில் இருந்தாலும், உரியவர்களுக்குரிய அந்த பலன்கள் கிடைத்தே தீரும்.

இந்துக்கள் மட்டுமல்ல மற்ற மாற்று மதத்தினரவர்களுக்கும் சொல்லக் கூடிய எளியமையான பரிகாரங்களை, பல முறை சொல்லி இருக்கிறோம்.

சரி, எல்லோரும் பயன்படுத்தி சனியார் பெயர்ச்சி தாக்கத்தில் இருந்து சிரமங்களை எதிர் கொண்டு வெற்றி பெற கூடிய எளிய பரிகாரம் ஒன்று சொல்லவா..? இதை எந்த மதத்தினரும் செய்யலாம், மதம் கடவுள், சோதிடம் என நம்பிக்கை இல்லாதவர்களும் செய்யலாம். இது சுலபமானது தான்.

உங்களுக்கு வசதியான ஒரு சனிக்கிழமையில், சனி ஓரையில், முள் செடி ஒன்றை நட்டு விடுங்கள். சில ஆண்டுகள் கழித்து அடுத்த சனியார் பெயர்ச்சியில் வெட்டி விடலாம். தவறில்லை.

நகரத்தில் வாழ்பவர்கள் அடுக்கு மாடி கட்டிடத்தில் வசிப்பவர்கள் இது போல செய்ய முடியாது என்று வருத்தப்பட தேவையில்லை. இவர்கள் cactus என்று சொல்ல கூடிய ஒரு வகை கள்ளி செடியை வீட்டில் ஒரு ஓரத்தில் வைத்து வளர்த்தால் போதும்.

முன்னூறு விதமான கள்ளிச்செடிகள் இருக்கிறது. உங்கள் ஜாதகத்தில் சனியார் அமைந்து இருக்கும் இடத்தை பொறுத்து, எந்த கள்ளியை வாங்க வேண்டும் என உங்கள் அருகாமையில் உள்ள உங்களுக்கு நம்பிக்கைக்குரிய ஜோதிடரிடம் கேட்டு தெரிந்து கொள்ளுங்கள்.

 

எங்கள் வீட்டில் ஏற்கனவே அழகுக்காக இது போன்ற cactus வளர்க்கிறோமே என்று சொல்பவர்கள் இன்னொன்றை தனியாக வைத்து வளர்க்கலாம். தவறில்லை. ஒவ்வொருவருக்கும் கிரக பாதிப்பு இல்லாமல் இருக்க ஒவ்வொருவரும் தனித்தனியாக எங்கே வேண்டுமானாலும் வைத்து வளர்க்கலாம். படுக்கையறையில் மட்டும் வைத்து கொள்ளாதீர்கள்.

இந்த cactus வகைகள் பராமரிக்க தேவையில்லை. தானே வளரும். தண்ணீர் கூட தினமும் தர தேவையில்லை. நவ கிரகங்களிலேயே ஒரு ராசியில் இருந்து இன்னொரு ராசிக்கு பெயர்ச்சியாக அதிக நாட்கள் எடுத்துக் கொள்ளும் கிரகம் சனியார் தான் என்பது சோதிட அன்பர்களுக்கு தெரியும்.

pencil cactus

அது போல சுமார் ஒரு இன்ச் வளருவதற்கு இந்த cactus க்கு சுமார் ஒன்றரை வருடங்கள் ஆகும் என்றால் இதை ஏன் சனிப்பெயர்ச்சிக்கு பரிகாரகமாக சொல்லப்பட்டது என்று உங்களுக்கு தெரிந்து இருக்கும்.

இந்த முள்ளிச் செடிக்கு முத்தி கொடுத்த வரலாறு சைவ அன்பர்களுக்கு தெரிந்து இருக்கும் என்பதால் அதை விளக்கி சொல்லவில்லை.

உங்கள் ஜாதகத்தில் சனியார் இருக்கும் நிலை, இந்த சனிப்பெயர்ச்சியில் உங்களுக்கு கிடைக்க கூடிய பலன் இவைகளை வைத்து cactus வகைகளை திறமையும் அனுபவமும் உள்ள  சோதிடர்கள் உங்களுக்கு தேர்வு செய்து தருவார்கள்.

நல்ல பலன் கிடைத்தாலும் கெடுபலன் அமையும் சூழல் இருந்தாலும் எல்லோருமே வாங்கி வைக்க கூடியது பென்சில் cactus தான். இதில் முள் கூட ஷார்ப் ஆக இருக்காது. இது பூக்காது, காய்க்காது, இலை கூட கொடுக்காது  என்பதை புரிந்து கொண்டு,  விமான பயணத்தில் turbulance என சொல்லும் போது, பெல்ட் மாட்டிக் கொள்வது போல இந்த சனிப்பெயர்ச்சியை வெற்றி கொள்ளுங்கள்.

    நல்லதே நினைப்போம் நல்லதே நடக்கும்.