வெளிச்சத்திற்குவாங்க 44

 

“வெளிச்சத்திற்கு வாங்க...”

-         -44

புத்தாண்டு பலன்கள், சனிப்பெயர்ச்சி பலன்கள் என திரும்பிய பக்கம் எல்லாம் செய்திகளாக இருக்கிறதே.

 

இது போன்ற பலன்கள் உங்கள் பார்வையில் சொல்ல வேண்டும் என நாங்கள் விரும்புகிறோம் என்று சில அன்பு உள்ளங்கள் குறுஞ்செய்தி அனுப்பி கேட்டுக் கொண்டனர்.

 

எல்லோரும் சொல்லும் போது, நாமும் இது போல சொல்ல வேண்டுமா என யோசித்துக் கொண்டிருந்த போது, பங்கு சந்தை பற்றி அவ்வப்போது impressive பதிவுகள் போடுகிறீர்கள். கிறிஸ்துமஸ்க்கு பங்கு சந்தை குறையும் என்று crystal clear ஆக சொன்னீர்கள். யாரும் எதிர்பாராத வகையில் 1000 புள்ளிகள் சரிந்து சந்தை வீழ்ச்சி கண்டது.

 

அதனால் இந்த புத்தாண்டில், இந்த ராசிக்கு இந்த பலன் என சொல்லாமல் பங்கு சந்தை எப்படி இருக்கும் என்று சொல்லுங்களேன் என மும்பையில் இருந்து ஒரு அன்பர் கேட்டுக் கொண்டார்.

 

பஞ்சாங்கத்தை பார்த்து தமிழ் புத்தாண்டின் போது, கந்தாய பலன் சொல்வது போல இந்த 2023ஆம் ஆண்டு பங்கு சந்தை எப்படி இருக்கும்? என மும்பை அன்பரின் அன்பு கட்டளையை ஏற்று அவருக்கு சொல்வது போல பால சோதிட வாசகர்களுக்கும் சொல்லலாம் என்று தோன்றியது தான் இந்த வார பதிவு.

 

அடுத்த மாதம் பட்ஜெட், அதை தொடர்ந்து தேர்தல் என வரிசை கட்டி நிகழ்வுகள் இருந்தாலும், ஒரு முதலீட்டாளர் என்ற வகையில் பங்கு சந்தையை கணிப்பதில் எல்லோருக்கும் உரிமை உண்டு. அதில், தவறு எதுவும் இல்லை, என்றாலும், பங்கு சந்தை பற்றிய இந்த குறிப்பு செய்திகள் சோதிட பார்வையிலான சிந்தனையே தவிர, இந்த பங்குகளை வாங்குங்கள் அல்லது விற்று விடுங்கள் என்று ஆலோசனை சொல்லும் தகவல் அல்ல.

 

அது போல ஆலோசனை சொல்லும் செபி பதிவு பெற்ற ஆலோசகரும் அய்யர் இல்லை என்பதை மனதில் குறித்துக் கொண்டு, தொடர்ந்து படியுங்கள்.

 

பங்கு சந்தையில் பயன்படுத்தும் (technical jargon) சொற்களை முடிந்த அளவு எளிதில் புரியும் படி தர முயற்சி செய்து உள்ளேன். சந்தையில் உள்ளவர்களுக்கு இது புரியும். மற்றவர்கள் இதை தெரிந்து கொள்வது தவறும் இல்லை. அறிவுக்கு திரை போடலாமா என்ன?

 

இந்த பங்கு சந்தை குறிப்புகளுக்கு நாம் வரிசை படுத்தி வைத்துக் கொள்ளும் கிரகம் ராகு, புதன், மற்றும் சந்திரன் தான் என பல முறை முன்பே சொல்லி இருக்கிறேன்.

 

இந்த அடிப்படையில் ஜனவரி 1 ம் தேதி மும்பையை இடமாக வைத்து கோச்சராத்தை வைத்துக் கொண்டு, சில பொதுவான குறிப்புகளை சொல்ல வரும் பதிவு தான் இது.

 

இதில்  சொன்னபடி சந்தை நிலவரம் அமைந்து விட்டால், உங்கள் முதுகில் தட்டிக் கொள்ளுங்கள். அப்படி இல்லை என்றால், இது முயற்சி தான் நாம் இன்னமும் பயிற்சி பெற வேண்டும் என்று பாசிடிவ் கோணத்தில் எடுத்துக் கொள்ளுங்கள். ஏன் என்றால் பங்கு சந்தையை யாராலும் கணிக்க முடியாது என்பது பொது விதி.

 

சரி சிந்தனைக்கு வருவோம்.

 

குறிப்பிட்டபடி கோச்சாரத்தில், அன்றைய நட்சத்திரம் கேதுவின் நட்சத்திரமான அசுபதி. கேதுவின் இயல்பான காரகத்துவமே ஒன்றை அழித்து, ஒன்றை தருவது என்பது . சோதிட அன்பர்களுக்கு தெரிந்து இருக்கும். வளர்ச்சிக்கு ஏதுவாக இருக்க கூடிய கிரகம் என்பதால் இது கேது என பெயர் பெற்றதோ என்று நாம் அடிக்கடி சொல்வது உண்டு.

 

பங்கு சந்தைக்கு ராகு என்று தானே சொல்லுவீங்க, இப்போ கேதுவை பற்றி சொல்றீங்களே என்று நீங்கள் கேட்க வருவது புரிகிறது.

 

சாதத்திற்கு தொட்டுக் கொள்ள ஊறுகாய் வேண்டும். அதற்காக ஊறுகாயையே சாப்பிட முடியாது என்பது போல இதை புரிந்து கொண்டால், சொல்ல வரும் செய்தி சொல்லாமலே புரியும்.

 

இந்த கோச்சாரப்படி, மீன குருவை தொடர்ந்து ரிஷப செவ்வாய் வரை நமக்கு தேவையான கிரகங்கள் வரிசை கட்டி நிற்கிறது. இதில் சர்ப்ப கோணத்தில் புதனும், புதன் கோணத்தில் சந்திரனும் என இருக்கிறது. என்ற இயல்பான நிலையினை புரிந்து கொண்டு, இந்த ஆண்டு பங்கு சந்தை எப்படி இருக்கும் என்ற குறிப்புக்குள் போகலாம் வாங்க.

 

இந்த ஆண்டு சோதிட பார்வையில், இரண்டு முக்கிய நிகழ்வுகள் இருக்கிறது ஒன்று, எல்லோரும் ஆவலுடன் எதிர்பார்த்துக் கொண்டு இருக்கும், அடுத்து சில நாட்களில் வரக் கூடிய சனிப்பெயர்ச்சி. மற்றொன்று, இந்த ஆண்டின் பின் பகுதியில் வர இருக்கிற சர்ப்ப  கிரக பெயர்ச்சி, இதையும் மனதில் நிறுத்திக் கொண்டு, சந்தை நிலவரத்தை சிந்தித்தால், சொல்ல வரும் விஷயங்கள் உங்களுக்கு எளிதல் மனதில் பதியும்.

 

கும்பத்திற்கு வரும் சனியின் மூன்றாம் பார்வை மேஷத்தில்  உள்ள ராகுவில் பதிக்கிறது. கோச்சாரத்தின் படி சந்திரன் சர்ப்பத்துடன் இருப்பதாலும், இந்த ஆண்டின், முற்பகுதியில், பங்கு சந்தை மிகுந்த volatile என்று சொல்லும் நிலையற்ற தன்மையையும், மிகுந்த ஏற்ற இறங்கங்களையும் கொண்டு இருக்கும்.

 

குறிப்பாக, வருவாயை விட கடன் அதிகமாக உள்ள குறிப்பிட்ட “அந்த” நிறுவங்களின் பங்குகள் எதிர்பாராத சரிவை நோக்கி செல்லும். அந்த பங்குகள், இப்போது வேகமாகவும் குறைந்த நாட்களில் உச்சத்திற்கும் சென்று இருக்கும் பங்குகள் தான் அவை.

 

அந்த பங்குகளில் முதலீடு செய்து இருப்பவர்கள், அல்லது தங்கள் portfolioவில் holdல் வைத்து இருப்பவர்கள் தலையில் கையை வைத்துக் கொள்வதை தவிர வேறு வழி இல்லை என்ற நிலையில் இருக்கும். அப்படியா சரி எல்லாவற்றையும் விற்று விடலாமா என்று கேட்காதீர்கள்.

 

அது எந்த பங்குகள் என சொல்லுங்கள் என கேட்க வரும் உங்கள் ஆர்வம் புரிகிறது. அதை வெளிப்படையாக சொல்ல கூடாது என்பது ஒரு புறம் இருக்க, நீங்கள் சம்பந்தப்பட்ட நிறுவனங்களின் தணிக்கை அறிக்கை, ஐந்தொகை கணக்குகள், இவைகளை வாங்கி படியுங்கள் analyse செய்து பாருங்கள்

 

அது தொடர்பான விவரங்கள் பல இணைய தளங்களின் கிடைக்கிறது அதை எடுகோளாக வைத்துக் கொண்டு சரி பார்த்துக் கொள்ளுங்கள். அப்போது தான் உங்களுக்கும் பயிற்சி கிடைக்கும்.

 

நீங்கள் இன்று சம்பாதிக்க வேண்டும் என்பது நமது நோக்கமல்ல தொடர்ந்து சம்பாதிக்க வேண்டும் என்பது தான் விருப்பம்.

 

ஒன்று இரண்டு மாங்காயை மரத்தில் இருந்து பறித்து கொடுப்பதை விட உங்களுக்கு மரம் ஏற கற்றுக் கொடுத்து விட்டால், வருமானமும் ஏறும் அல்லவா. என்ற சிந்தனையை கவனத்தில் கொண்டால் சொல்ல வரும் விஷயம் புரிந்து விடும்.

 

mid cap மற்றும் small cap நிறுவங்களின் பங்குகள் எதிர்பாராத அபரிமிதமான வளர்ச்சியை தொட்டு செல்லும் என்றாலும் எதிர்பாராத நிலையில் சரிவையும் காணும். ஸ்டீல் மெட்டல், கேளிக்கை மற்றும் கல்வி தரும்., நிறுவங்களின் பங்குகள் ஆரோக்கியமான வளர்ச்சியை பெறும். தனியார் துறை வங்கி பங்குகள் கை கொடுக்கும்.

 

கொரணா அலை எங்கும் இருக்கிறதே, மருத்துவ நிறுவனங்களின் பங்குகள் எப்படி இருக்கும் என நீங்கள் யோசிப்பது புரிகிறது. இப்போதைக்கு அந்த பக்கம் எதிர் பார்க்கும் பலனை தர போவதில்லை என்பது தான் குறிப்பு.

 

நாங்கள் இந்த ரிஸ்க் எல்லாம் எடுப்பதில்லை ‘நிப்டி’ மட்டும் தான் அது எப்படி இருக்கும் என்று சொல்லுங்க என்று கேட்க வரும் உங்களுக்கு குறிப்பு இது தான் இப்போ 18000 த்தின் விளிம்பில் இருக்கும் நிப்டி இன்னும் குறைந்து 16000த்தை கூட தொட்டு விடும்.

 

“அச்சச்சோ....” அவ்வளவு தானா இந்த ஆண்டு பங்கு சந்தை என பயப்பட வேண்டாம். ஜூலை மாத பின் பகுதியில் இருந்து எவ்வளவு வேகமாக பந்து கீழே எறியப் படுகிறதோ அவ்வளவு வேகமாக எறியப்பட்ட பந்து மேலே உயரும் என்பது போல, சந்தை இந்த ஆண்டிலேயே  பின் பகுதியில், படு வேகமாக உயரும். இது சர்ப்ப கிரக பெயர்ச்சியை ஒட்டி நிகழும்.

 

மொத்தத்தில் மிகுந்த ஏற்ற இறக்கம் கொண்டு விளங்கும் இந்த ஆண்டு சந்தை, முதல் எட்டு மாதங்கள் நிலையற்ற தன்மையிலும் அடுத்த நான்கு மாதங்களில் கணிசமான லாபத்தையும் பெற்று தரும். புத்திசாலித்தனமாக விளையாடுபவர்கள் கணிசமான லாபத்தை பெறலாம்.

 

ஆகா, அய்யர் சொல்லி விட்டார் என்று இருக்காமல், நீங்கள் பங்கு சந்தையில் குளித்து முத்து எடுப்பது உங்களின் முழுமையான பொறுப்பு என்பதை எப்போதும் மனதில் நிறுத்தி வையுங்கள்.

 

இது கோச்சாரா அடிப்படையில் சொல்லப்பட்ட குறிப்புகள் தான், இவைகளுடன் உங்களின் பிறப்பு ஜாதகத்தை வைத்துக் கொண்டு உங்கள் நிலையை நீங்கள் கணித்துக் கொள்ள தரப்பட்டது தான் இந்த சிந்தனை.

 

என்னிடம் உள்ள பற்றாக் குறை பணம் அல்ல நேரம் தான். அதை புரிந்து கொண்டு, நீங்கள் கேட்க வரும் விஷயங்களை பால சோதிடத்திற்கு எழுதி கேளுங்கள். மின்னஞ்சல் அனுப்புங்கள், தொலைபேசி தொடர்பை தவிருங்கள் என அன்பு வேண்டுகோளை பதிவு செய்கிறேன்.

 

நல்லதே நினைப்போம் நல்லதே நடக்கும்.

 

-    விசு அய்யர்

உலகம் முழுவதும் வலம் வரும் podcast வானொலி channel  G யில் கேட்டு ரசியுங்கள்.