வெளிச்சத்திற்கு வாங்க - 42

 

“வெளிச்சத்திற்கு வாங்க...”

-         -42-

தினமும் ஏதாவது ஒரு வங்கியில் இருந்து போன் வந்து கொண்டு தான் இருக்கிறது.. சார் கடன் வேண்டுமா..? குறைந்த வட்டியில் கடன் தருகிறோம் வேண்டுமா...? என்று...

 

இப்போ வங்கியில் நிறையா சலுகை வேற இருக்கு ப்ராசசிங் கட்டணம் கிடையாது, எந்த டாக்குமெண்டும் தேவையில்லை சிபில் ஸ்கோர் கூட தேவையில்லை என எதையாவது சொல்லிக்கிட்டு ஒன்னு வரும்.

 

அன்பு, உறவு, உழைப்பு, என தொடங்கி இறப்பு வரை, எல்லாவற்றையும் பணமாக பார்க்கும் இன்றைய உலகில், பொதுவாக பாருங்கள், எல்லோருடைய பிரச்சனைக்கும்  அடிப்படையில் இருப்பது ஒன்று தான் ... அதான் “பணம்...”

 

இன்றைய நாளில் பணம் சம்பாதிப்பது என்றதும் பலரும் கை காட்டுவது பங்கு சந்தையை தான்.. பாருங்க சார் 50 ஆயிரத்தில் இருந்த சென்செக்ஸ் இப்போ 62 ஆயிரத்தை தாண்டி விட்டது என்று நமக்கு பாடம் எடுப்பார்கள்.

 

சிலர் மியுச்சுவல் பண்டு என்று அந்த பக்கம் திரும்பி நிற்ப்பார்கள்.. நிலம் ரியாட் என்று இன்னொரு பக்கம், விவசாயம் வியாபாரம் என்று இன்னொரு பக்கம், இதைவிட,

 

காலையில் பங்கு சந்தை, மாலையில் கமாடிட்டி சந்தை, இரவில் கரன்சி சந்தை என ஒரு நாளில் இருபத்து நான்கு மணி நேரமும் பணம் சம்பாதிக்கும் வாய்ப்பு இருக்குது என சொல்லுவார்கள்.

 

வாய்ப்பு எல்லாம் இருக்கு சரி.. ஆனால், அந்த வாய்ப்பில் பணம் சம்பாதிக்கும் வாய்ப்பு நமக்கு இருக்குதான்னு தெரிந்து கொள்ள வேண்டாமா? அதற்கு தானே சோதிடம் உங்களை அடையாளம் காட்டி தருகிறது..

 

உதாரணமாக, குறைந்த விலைக்கு வாங்கிய ஒரு பங்கின் விலை உயருகிறது என்றால் அது ஒரு குறிப்பிட்ட பிரிவினருக்கு மட்டுமே லாபம் பெற்று தரும்... எந்த பங்கை வாங்குவது எப்போ விற்பது என்பதில் வேறு சிலருக்கு சிக்கல், பொறுமை இல்லாத தன்மை அவசரம் பேராசை இப்படி பல கூறுகள்.

 

இதில் எங்கே சம்பாதிக்க,, சில நூறுகளை சம்பாதித்து விட்டு பல ஆயிரங்களை விடும் புத்திசாலிகளும் இருக்கத்தானே செய்கிறார்கள். என்று நீங்கள் உங்கள் அனுபவத்தை சேர்த்து சொல்லும் ‘முனகல்’ சத்தம் கேட்கிறது.

 

சரி, இதற்கு என்ன செய்ய... என்பது தானே உங்கள் கேள்வியாக இருக்கும். கொஞ்சம் இந்த பக்கம் வாங்க... சோதிடத்தில் உள்ள சில நுணுக்கங்களை தெரிந்து கொள்ளுங்கள்.. அப்புறம் பாருங்கள் உங்கள் பண பெட்டியின் இருப்பை..

 

இன்று இந்த பங்கை வாங்குகள் என்று சோதிட ரீதியில் குறிப்பு சொன்னால், சந்தை அந்த பங்கிற்கு நன்றாக உள்ளது என அதை வாங்கி நஷ்டம் அடையும் பலரையும் நாம் பார்த்துக் கொண்டு தானே இருக்கிறோம்...

 

கிரகங்கள் ஒவ்வொரு நொடிப் பொழுதிலும் நகர்ந்து வரும்.. இந்த அமைப்பை கொண்டே கோச்சார பலன்கள் சொல்ல படுகிறது, என்பதை நம்மில் சிலர் அறிந்து இருக்கலாம். இந்த கோச்சாரம், நமது பிறப்பு ஜாதகத்துடன் இணைத்து கிரக இணைவுகளை படிக்கும் போது, அன்றைய பங்கு சந்தை லாபம் தருமா என்று சொல்ல முடியும்.

 

இன்றைய  பங்கு சந்தையில்  intra day யில் எப்போ வாங்கலாம் என்பது முதல் இன்னிக்கு எந்த segmentல் விளையாட வேண்டும் என்பது வரை சொல்ல முடியும்..

 

ஆஹா.. அப்படியா என்று கேட்க வரும் உங்கள் ஆர்வம் புரிகிறது.. முதலில் ஐந்து அடிப்படைகளை புரிந்து கொள்ளுங்கள்..   

1) உலகத்தில், எந்த தொழிலாக இருந்தாலும் இந்த மூன்று பிரிவில் அடக்கி விடலாம். அதாவது, உற்பத்தி செய்து தருதல், அடுத்தது, வாங்கி விற்கும் வியாபார சந்தை, மூன்றாவதாக சேவை தொழில்கள்.. இந்த அடிப்படையில் கிரக ரீதியாக பிரித்துக் கொண்டுவிட்டால் மற்றது சுலபம். இரும்பு என்றால் சனி, தங்கம் என்றால் குரு, வெள்ளி என்றால் சுக்கிரன் என்பது போல,

2) முழுமையாக பங்கு சந்தையை தெரிந்து கொள்ளாமல் அவர்கள் டிப்ஸ் தருகிறார்கள் இவர்கள் வாங்குகிறார்கள் என்று வாங்காதீர்கள்.

3) ஒரு நாளைய ஒரு சந்தையிலேயே intra day, delivery, F&O, BTST என பல முறைகள் இருக்கிறது. இது அது என ஓடாமல் ஒன்றை முழுமையாக தெரிந்து கொள்ளுங்கள். அதில் விளையாடுங்கள்.

4) Go with FLOW என்று சொல்வது போல சந்தையின் போக்கிற்கு ஏற்ப உங்கள் சந்தை நாளை கழிக்க வேண்டும் என்பதில் தெளிவாக இருங்கள். இன்றே சம்பாதிக்க வேண்டும் என்ற அவசியம் இல்லை. நாம் உயிருடன் இருக்கும் வரை சந்தையும் இருக்கும் என்பதை புரிந்து கொள்ளுங்கள்.

5) ஆசையையும் தேவையையும் சமன் செய்து உங்கள் உணர்ச்சிகளுக்கு முக்கியத்துவம் தராமல் அறிவுக்கு முக்கியத்துவம் கொடுங்கள். உங்கள் உள் மனது சொல்வதை கேளுங்கள்.

 

இது மட்டும் இல்லீங்க... ராகுவும் புதனும், சந்திரனும் அன்றைய சந்தை நிலவரத்தை நமக்கு அடையாளம் காட்டும்...

 

இதில் 2-9-11 ம் பாவங்கள் பாவாதி பாவம் அதில் தொடர்புடைய கிரகங்கள் அன்றைய கோச்சாரம் இத்துடன் 6-8 என வரிசையாக புரிந்து கொண்டால் முதலை இழக்க வேண்டிய அவசியமில்லை.

 

அதனால் தான் பாருங்க.. சந்தை உயர்ந்து வரும், ஆனால் சிலருக்கு லாபம் உயராது இன்னும் சிலர் நஷ்டத்தை சந்திப்பார்கள்.. இப்படி நிறையா சொல்லலாம்..

 

சோதிட அடிப்படையில் ஒருவருக்கு நாளை  சந்தை நன்றாக இருக்கும் ஆனால் நீங்கள் நாளைக்கு  இந்த சந்தையில் விளையாடாதீர்கள் என்று ஒருவருக்கு சொன்னால், நமக்கு முன்னாடி தலையாட்டிவிட்டு, மறுநாள் நஷ்டத்தோடு நம்மை வந்து பார்ப்பார்கள்.. நமது வாழ்நாள் இருக்கும் வரை சந்தையும் இருக்கும்,

 

இன்னிக்கே சம்பாதிக்க வேண்டும் என்று அவசியம் இல்லை என்று சொன்னால் ஏற்றுக் கொள்ள சிலர் தயங்குவார்கள்  

தாரா பலன், சந்திர பலன் பார்க்கும் பலர் பங்கு சந்தை கோணத்தில் அன்றைய நிலவரத்தை பார்த்து புரிந்து கொண்டு அதற்கேற்ப பங்குகளை வாங்கவோ, அல்லது அந்தந்த segmentல்  விளையாடவோ செய்தால், பங்கு சந்தை உயர்ந்தாலும், குறைந்தாலும் கவலை கொள்ள தேவையில்லை என்பதை புரிந்து கொள்ளுங்கள்.

 

இதை சரியாக புரிந்து கொண்டால் “உங்களுக்கு பணம் சம்பாதிக்க தெரியுமோ?” என்று நீங்கள் அடுத்தவர்களை கேட்கலாம்.

 

நல்லதே நினைப்போம். நல்லதே நடக்கும்.

 

-    விசு அய்யர்

உலகம் முழுவதும் வலம் வரும் podcast வானொலி channel G யில்  கட்டணமில்லாமல் கேட்டு ரசியுங்கள்.