'விதியை வெல்ல முடியுமா

 

'விதியை முடியுமா

மதியால் வெல்ல

 

என்று பல முறை வாதம்

எங்கும் நடந்திருக்கலாம்

 

உண்மை பொருளை இங்கு சொன்னால்

உலகளவில் சொல்வதற்கு (youtube போன்ற) தொழில் நுட்பமிருக்கு

 

உணர்ந்து கொள்ள மக்கள் இருக்கின்றனரா?

உள்ளபடியே ஏற்க தயாராக உள்ளனரா?

 

பதில் இல்லா கேள்விகளுள் இதனையும்

பட்டியலிட்டுக் கொள்ள வேண்டியது தான்

 

சரி

விதி மதி பற்றிய

விவரம் தான் என்ன ?

 

விதி என்பது நடக்கப் போவதை சொல்வதல்ல

மதி என்பது அறிவை பற்றியதும் அல்ல..

 

கைரேகை கலையில் விதி ரேகை எப்போதும்

கையிலுள்ள ஆயுள் ரேகையை ஒட்டியே அமையும்

 

வேறுபட்டால் பலன்களும் சொல்லாமலே

வேறுபடும் என்பது கைரேகை கலைஞன் அறிவார்

 

விதி முடிந்து விட்டது இவருக்கு என

விளக்கும் போதே புரிகிறதா அது ஆயுளை குறிப்பது

 

மதி என்பது சந்திரனை குறிப்பது என்பதில்

மறுப்பு இல்லை தானே..

 

சரி

பொருள் தெரிந்த பின்

பொருத்தி பார்ப்போமே

 

இடகலை பிங்கலை எனும்

இந்த பிராணயாம கலையில்

 

இடகலையை சந்திரகலை என்றும்

பிங்கலையை சூரிய கலை என்றும் சொல்வதுண்டு

 

ஏன் என்ற கேள்விக்கு

எப்போதும் அறிவியலை துணை கொள்வதுமுன்டு

 

உளவியல் அறிவியலை ஒப்பிட்டு இன்னுமொரு சமயத்தில்

உங்களுடன் பகிர்ந்து கொள்கிறோம்

 

பதினாறு அங்குலம் ஓடக் கூடிய சந்திரகலையை

பாதியாக சுருக்கினால் ஆயுள் கூடும் இது அறிவியல்

 

தூக்கத்தை வரவழைக்க இடது பக்கமாக

பெரியவர்கள் படுக்கச் சொல்வார்கள்

 

இடதுபுறம் படுக்கையில்

இருக்கும் நுரையீரலில் ஒன்று அழுத்தப்பட்டு

 

பிராண சக்தி சீராகிறது

பிரச்சனை இன்றி தூங்க முடிகிறது

 

குடிகாரர்களுக்கு உள்ள மயக்கத்தை(தூக்கத்தை)

குட்டி கதையாக பின்னொரு சமயம் விளக்கலாம்

 

“விதி” என்ற ஆயுளை

“மதி” என்ற சந்திரகலை(இடகலையால்)யால் வெல்லலாம்

 

என்பது இந்த கூற்றின் பொருள்

எப்போதும் உள்ளதை தெரிந்து கொள்வதற்கு இந்த சிந்தனை

 

ஆரம்ப நிலையில் இருப்பவர்களுக்கு

அதற்கு இப்படி பொருள் சொல்வதுண்டு

 

விதியை(நடக்க இருப்பதை) மதியால்(அறிவால்) வெல்ல முடியாது

திருவருளின் (பிரார்த்தனை) துணையால் வெல்லலாம் என்று

 

தெரிந்தவர்களுக்கு அதன் உண்மை பொருள்

தெரியும் அதனால் அவர்களுக்கு சொல்வோம்

 

விதியை (இறப்பை) மதியால்(இடகலையால்) வெல்ல முடியம்

விளக்கம் சரியாக புரிகிறது தானே

 

“காலா உன்னை

காலால் உதைக்கின்றேன் வாடா” என்றவன்

 

சுப்பிரமணி. அவன் சொன்ன “கால்” அவனுக்கு

சுருக்குனு வந்த வீரம் அல்ல

 

“கால்” என்றால் காற்று என்று பொருள்

கால் என்ற மூச்சு காற்றால் உதைக்கிறேன் என்றே பொருள்

 

‘கால் கட்டு போட்டால் சரியாகும்’ என

குடும்பங்களிலே அடங்கா பிள்ளைகளாய் உள்ள

 

கல்யாணமாகாத பையன்களுக்கு சொல்வர்

கால் என்ற மூச்சுக் காற்றை கட்டினால் எல்லாம்

 

சரியாகும் என்பதே பொருள்

சரியான பொருள் தெரிந்து

 

சுவையாக பேசுவோமே

சுவைபட வாழ்வோமே..