கும்பிட வேண்டிய குல தெய்வம்.?!..

 

குல தெய்வ பிரார்த்தனையை தவிர்த்து விட்டு வேறு எந்த பிரார்த்தனை செய்தாலும் அதில் முழு நிறைவு கிடைப்பதில்லை. குல தெய்வ பிரார்த்தனை மற்றும் அவர்களை திருப்தி செய்யாமல் வேறு எந்த பரிகாரம் செய்தாலும்கூட அதனால் முழு பயனும் அடைய முடியாது.

அதனால் சிலர் நானும் எல்லா பரிகாரமும் செய்துவிட்டேன் ஐயா, ஆனால் பாருங்கள் இந்த கஷ்டம் தீர மாட்டேன் என்கிறது என்பார்கள். அதற்கு ஒரே காரணம் குல தெய்வங்களை திருப்தி படுத்தாமல் செய்யும் முறையற்ற வழிபாடுகளே தான்.

குல தெய்வம் என்பது நம் முன்னோர்களால் வணங்கப்பட்ட தெய்வங்கள். குல தெய்வம் வழிபாடு செய்யும் போது நாம் முன்னோர்களையும் ஒரு வகையில் திருப்தி அடைய செய்கிறோம் என்பதை குல தெய்வ வழிபாடு செய்பவர்கள் உணர்வார்கள்.

ஒரு திருமண விழாவில் பங்காளிகளை மதிப்பதால் கிடைப்பது என்ன? மதிக்காமல் மரியாதை செய்யாமல் இருப்பதால் கிடைப்பதால் என்ன? என்பதை நீங்களே கற்பனை செய்து பாருங்கள். அப்படித்தான் இதுவும்.

சரிங்க ஐயா. எனக்கு எது குல தெய்வம் என்றே தெரியவில்லை. நானே ஒரு தெய்வத்தை வைத்து வழிபாடு செய்கிறேன் இது சரியா என சிலர் கேட்பார்கள்.

தெய்வம் கடவுள் இறைவன் என பகுத்து தெளிவாக தந்து உள்ளது நம் தமிழர் பண்பாடு. இதனை சரியாக புரிந்து கொள்ளாமல் ஒரு சிலர் எல்லாவற்றையும் ஒன்றாக குறித்து சொல்லுவார்கள். சிலர் கடவுள் இல்லை என்றும் சொல்லுவார்கள். அவர்கள் கூட குல தெய்வ அல்லது இஷ்ட தெய்வ வழிபாட்டை விடுவதில்லை. குல தெய்வம், அனுகூல தெய்வம் இஷ்ட தெய்வம் ஆராதனை தெய்வம் என்று தனித்தனியாக அறிந்து கொண்டு வழிபாடு செய்தால் நாம் எடுத்தது செய்யும் எந்த முயற்சியும் முழுமையாக பயன் தரும். இதனால் தான் சிலருக்கு செய்யும் பரிகாரங்கள் முழுமையாக பலன் தருவதில்லை. தெய்வ குத்தம் என்று கிராமங்களில் சொல்வதை நாமும் பார்த்திருப்போம் அல்லது கேட்டிருப்போம்.

ஒரு குடும்பத்தில் பிறந்த இருவருக்கும் ஒரே மாதிரி தெய்வகங்கள் அமைவதில்லை. இது தான் பூர்வ புண்ணியம். இந்த குல தெய்வங்களை நாம் சோதிட ரீதியாக ஆய்வு செய்து, வழிபடு தெய்வங்களை எடுத்து சொல்லி வழிபாடு செய்த பின் உரிய பரிகாரங்களை செய்தால் முழுமையாக பலன் கிடைக்கும்.

இதனை ராசி கட்டத்தில் 5ம் இடத்தை கொண்டு குல தெய்வத்தையும் 9ம் வீட்டை கொண்டு அனுகூல தெய்வத்தையும் அம்சத்தில் 5ம் வீட்டை கொண்டு ஆராதனை செய்ய வேண்டிய தெய்வத்தையும் 9ம் வீட்டை கொண்டு இஷ்ட தெய்வத்தையும் சொல்ல வேண்டும். நவாம்சத்தில் லக்னாதிபதி அமர்திருக்கும் இடத்தின் 8ம் வீட்டை கொண்டு, கும்பிட மறந்த தெய்வம் அல்லது தடைகளை ஏற்படுத்தும் தெய்வ குற்றங்களை சொல்லலாம். ஒவ்வொரு கிரகங்களும் சில தெய்வங்களை குறிப்பிடுவதால் அவைகளை அறிந்து உரிய வழிபாடு செய்து அதன் பின் பரிகாரம் செய்தால் முழு பலன் கிடைக்கும்.

குல தெய்வங்கள் நமக்கு வழி காட்டுபவர்கள் அதனை வழிகாட்டியின் துணையுடன் நம் செயல்கள் அமைந்தால் சிரமங்களுக்கு  இடம் . நம் முன்னோர்கள் குல தெய்வம் யார் என்ற விவரங்களை இல்லை தானே. பின்னால் வரும் சந்ததியருக்கு இந்த வழிபாடு தெரியபடுத்தாமல் காலமானதினால் இது போன்று ஏற்படும்.

ஈஸ்வர அம்சத்தில் உள்ள தெய்வங்களை சூரியனுக்கும், தாயாரின் அம்சத்தில் உள்ள தெய்வங்களை சந்திரனுக்கும் முருகன் துர்க்கை போன்ற தெய்வங்களை செவ்வாய்க்கும், விஷ்ணு அம்சங்களை புதனுக்கும், சாந்தச்வரூபமான தெய்வங்களை வியாழனுக்கும் கன்னிமார்களை சுக்கிரனுக்கும், சாஸ்தா கருப்புசாமி போன்ற தெய்வங்களை சனிக்கும் தெய்வங்களாக குறிப்பிட்டு சொல்லுவார்கள்.

வணங்கும் தெய்வங்கள் வேறு வழிபடும் தெய்வங்கள் வேறு என்ற அடிப்படைகளை புரிந்து கொள்ள வேண்டும். 

யாதொரு தெய்வம் கொண்டீர் அத்தெய்வமாகிஆங்கே

மாது ஓர் பாகனார் தாம் வருவர் 

என்ற சித்தியார் வாக்கை எண்ணி பார்த்தல் சிறப்பே ஆகும்.

எனக்கு குல தெய்வம் எது என தெரியாது. சோதிடரை கேட்பதற்கும் கூச்சமாக இருக்கிறது என நினைப்பவர்கள். ஆறுமுக கடவுள் முருக பெருமானை வழிபடு தெய்வமாக கொண்டு முயற்சிகளில் இறங்கலாம் என்று பொதுவாக சொல்லுவார்கள். இதுவும் சரி தானே. இதை ஒட்டியே “சுக்குக்கு மிஞ்சிய மருந்தில்லை; சுப்பிரமணிய னுக்கு மிஞ்சிய தெய்வம் இல்லை” என்ற சொல்லடை நம்மிடையே இருப்பதுண்டு.

சித்தம் தெளிவீர்காள், அத்தன் ஆரூரைப்

பத்தி மலர்தூவ, முத்தி யாகுமே.               

 

என்ற திருஞானசம்பந்தர் அருளிய முதல் திருமுறை பதிகத்தை தினமும் படித்து வர நம் உள்ளுணர்வு நம் குல தெய்வத்தை காட்டி கொடுக்கும். அதனை அறிந்து முறையாக குல தெய்வ வழிபாடு செய்து அதன் பின் உரிய பரிகாரங்களை முறையாக செய்தால் முழுமையான பலன்கள் பெறலாம்.

 

வரும் தலைமுறைகளுக்கு இந்த வழிபாட்டு முறைகளை சொல்லி தாருங்கள். அனைவரும் வாழ்வில் எல்லா நலனும் பெற திருமுன் பிரார்த்தனை செய்கிறோம். நல்லது சொல்லி உள்ளது நல்லதே நடக்கும். நல்வாழ்த்துக்கள்.