பலன் தரும் பாதாம்

 

தோஷம் பற்றி சொல்லும் போது சர்ப்ப கிரகங்களை நினைக்காமல் இருக்க முடியாது.

சிலர் குரு தேவேஷம் செய்வார்கள். அல்லது குருவுக்கு துரோகம் செய்வார்கள். குருவை அவமதித்தல் போன்றவைகளை செய்தல், எனக்கு எல்லாம் தெரியும் என குருவை தாழ்த்தி பேசுதல் பேன்றவை நிகழ்வதை நாம் பார்த்திருப்போம்.

இது போன்ற குரு துவேஷத்தால் படித்தது மறக்கும். தக்க சமயத்தில் நினைவில் வராது. பரிட்சையில் போய் உட்கார்ந்ததும் படித்தது எதுவும் நினைவில் வராது. இன்டர்வியூ வில் அறிவு இருந்தும் வெற்றி பெற முடியாத நிலை ஏற்படும்.

இதற்கு சந்திரனுடன் சேர்ந்து இருக்கும் சர்ப்பங்கள் தான். சந்திரனுடன் சேர்ந்த கிரகங்கள் சர்ப்ப கிரக சாரம் பெற்றாலும் இந்த தோஷம் உண்டு. இந்த குரு நிந்தனை முன் பிறவியில் இருந்தாலும் இதன் மூலம் வெளிப்படும்.

இதற்க்கு எளிமையான பரிகாரமாக திருகோயில் போன்ற புனித இடங்களுக்கு சென்று துர்க்கை அம்மன் அருகில் நின்று கொண்டு அங்கு இருப்பவர்கள் காலில் விழுந்து வணங்க சொல்லுவார்கள்.

திபெத்தில் லாமாக்கள் விழுந்து எழுந்த இடாத்தில் மீண்டும் விழுந்து வணங்கி வலம் வருவார்கள். இதனை சிர பாதம் என்று சொல்லுவார்கள்.  குருவை மாணவர்கள் தேர்வு செய்வதை விட குரு தான் மாணவர்கள் தேர்வு செய்ய வேண்டும்.

சரி.. இந்த தோஷத்திற்கு என்ன பரிகாரம் என பார்க்கலாம். இதற்க்கு எளிமையான பரிகாரம் சில சொல்கிறேன். உங்களால் எது முடியுமோ அதை செய்யலாம்.

பாதாம் கலந்த உணவு. பாதாம் பாயசம் அல்லது சர்க்கரை பொங்கலில் பாதம் பருப்பு  கலந்து வியாழன் அன்று விநியோகம் செய்ய வேண்டும். குறிப்பாக பாட சாலை மாணவர்களுக்கு விநியோகம் செய்ய வேண்டும்.

பாதாம் ஒரு மூலிகை மருந்து.. நினைவு திறனை வளர்க்கும் ஒரு அற்புத சஞ்சீவி. இது கொஞ்சம் விலை அதிகம் தான் அதை செய்ய முடியுமா என யோசிப்பவர்கள் சிர பாத எந்திரம் வாங்கி அதனை அதிகாலையில் பூஜை செய்து வர வேண்டும். தொடர்ந்து 91 நாட்கள் பூஜித்து வழி பட்டால் மற்றம் கிடைப்பது நிச்சயம்..

காலையில் எழுந்திருப்பது சிரமம் என்று நினைப்பவர்கள் காலை கடன் முடிந்தவுடன் திருஞானசம்பந்தர் அருளிய திருகருப்பறியலூர் பதிகம் படனம் செய்யுங்கள்.

சுற்றமொடு பற்றவை துயக்கற அறுத்துக்    

குற்றமில் குணங்களொடு கூடும்அடி யார்கள் 

மற்றவரை வானவர்தம் வானுலக மேற்றக்   

கற்றவன் இருப்பது கருப்பறிய லூரே.

 

இதை விட சுலபமாக எதாவது சொல்லுங்கள் ஐயா என்று கேட்பவர்களுக்கு இன்னொரு எளிய முறை உண்டு.. அதை வீட்டில் இருந்தபடியே செய்யலாம்.. பொது இடங்களிலும் செய்யலாம்.

இது சித்தர் கூறிய வழிமுறை.. எட்டு நடை. அதாவது எட்டு போல குறுக்கும் நெடுக்குமாக தினமும் காலையிலும் மாலையிலும் 15 நிமிடம் நடக்க வேண்டும்.

சுலபமாக செய்ய இரண்டு நாற்காலி களை கொஞ்சம் இடைவெளி விட்டு எதிர் ஏதிராக வைத்து ஒரு நாற்காலி வழியாக வந்து இன்னொரு நாற்காலி வழியாக வந்தால் இந்த எட்டு நடை சுலபமாக வரும்.

இதனை செய்து வந்தால் சிர பாத தோஷம் நீங்கும் மாற்றம் வரும். வாழ்வில் நலம் தாங்கும். எல்லோராலும் செய்ய கூடிய இந்த எளிய பரிகாரங்களை செய்து  மகிழ்ச்சியும் அமைதியும் பெற வேண்டும் என்று இறைவன் திருமுன் வேண்டுகிறோம். நல்லது சொல்லி உள்ளது நல்லதே நடக்கும். நல்வாழ்த்துக்கள்.