அந்த நாள் ஞாபகம்

 

தொ.பி யா அல்லது

தொ. மு வா,,?

 

ஏதோ எழுத்துப்பிழையோ என்ற உங்கள்

எண்ணம் புரிகிறது. ஆனால் அதுவல்ல

 

சொல்ல வந்ததை இப்படி

சொல்வது தானே அய்யரின் பாணி.

 

தொண்ணுறுக்கு முன் பிறந்தவரா அல்லது

தொண்ணுறுக்கு பின் பிறந்தவரா என கேட்டுள்ளது

 

“என்று நீ உளாய்

அன்று யாம் உளோம்” என்பது தாயுமானார் வாக்கு

 

வயது என்பது உடலுக்குத்தான்

வலிமையுடன் சொல்லலாம் உயிருக்கு அல்ல

 

கால தத்துவம் தோன்றுவதற்கு முன்

கணக்கிட்டு சொல்ல முடியுமா உடல் வயதை

 

அறிவுக்கும் வயது உண்டு

அது கணக்கிடுபவர்களை கொண்டு மாறுபடும்

 

உங்கள் வயதை அறிந்து கொள்வதாற்காக அல்ல இக்கேள்வி

உங்களிடம் உள்ள பழைய நினைவுகளை கொஞ்சம் அலசுவதற்காக

 

அதிர்ஷ்டகாரர்கள் நாம் என

அப்படி 1990க்கு முன் பிறந்தவர் சொல்கிறார்கள்

 

அதிர்ஷ்டம் மட்டுமல்ல

அத்துடன் செல்வமும் எங்களிடம்

 

என 1900க்கு பின் பிறந்தவர்கள்

எப்படியாவது சொல்வதுண்டு

 

சரி.. இப்படி இந்த

சிந்தனையில் 1990க்கு முன் போவோம்

 

அம்மா கூட படுத்து உறங்கியவர்கள் நாங்கள்

அடுத்தவர் வராத தனி படுக்கையில் தாழிட்டு கொண்டு அல்ல

 

எந்த வித உணவுப் பொருட்களும்

எப்போதும் நமக்கு அலர்ஜியாக இருந்ததில்லை.

 

விரும்பியதை சாப்பிட உரிமை உண்டு

விவரமாக கிச்சன் அலமாரிகளில் சைல்டு புருஃப் லாக் இல்லை.

 

புத்தகங்களை சுமக்கும் பொதி மாடுகளாக இருந்ததில்லை. இப்போ

புத்திமதிகள் சொல்லும் அளவிற்கு அறிவு இருக்கிறது

 

 பள்ளியில் இருந்து வீட்டிற்கு வந்தது முதல் இருட்டும் வரை ஒரே விளையாட்டுதான் பலருக்கும் தெரியாமல் ரூமிற்குள் அடைந்து உலகத்தை பார்ப்பதில்லை.

 

விளையாடியது என்னவோ நிஜ நண்பர்களிடம் தான்

வினைகளை ஏற்படுத்தும் நெட் நண்பர்களிடம் இல்லை.

 

தாகம் எடுத்தால் தெரு குழாய்க்களில் தண்ணிர் குடிப்போம் ஆனால்

தண்ணீரை காசு கொடுத்து வாங்கும் பாட்டில் வாட்டர் தேடியதில்லை.

 

ஒரே ஜூஸை வாங்கி நாலு நண்பர்களும் மாறி மாறி குடித்தாலும்

ஒரு நோய்கள் கூட எங்களை வந்தடைந்ததில்லை.

 

அதிக அளவு இனிப்பு பண்டங்களையும்

அளவு பார்க்காமல் தட்டு நிறைய சாப்பிட்ட போதிலும் ஒபிசிடி இல்லை

 

காலில் ஏதும் அணியாமல் இருந்து,,, நாள் முழுவதும் சுற்றி வந்தாலும்

காலுக்கு ஏதும் நேர்ந்ததில்லை.

 

குறைந்த வெளிச்சத்தில் படித்து வந்தாலும்;  கண்ணில்

குறையாக எந்த கண்ணாடியும்  அணிந்ததில்லை.

 

உடல் வலிமை பெறஊட்டசத்து பானங்கள்அருந்தியதில்லை.

உடலை வலுவாக்கும் சாதத்து தண்ணீரே உட்ட சத்து

 

எங்களுக்கு வேண்டிய வீளையாட்டு பொருட்களை நாங்களே

எங்கள் விருப்பப்படி உருவாக்கி விளையாடி மகிழ்வோம்

 

எங்கள் பெற்றோர்கள் பண வசதி மிக்க லட்சாதிபதிகள் அல்ல ஆனாலும்

எங்களுக்காக அவர்கள் பணம் தேடி ஒடுபவர்கள் அல்லர்.

 

அவர்கள் தேடுவதும் கொடுப்பதும்

அன்பை மட்டுமே பொருட்களை அல்ல

 

அவர்கள் தொடர்பு கொள்ளும்

அருகாமையில்தான் நாங்கள் இருந்தோம்

 

எங்களை அவர்கள் தொடர்பு கொள்ள “ஏலேய்ய்ய்” என்ற ஒரு வார்த்தை போதும்

எப்படியும் தொடர்பு கொள்ள செல்போனை தேட அவசியமில்லை.

 

உணர்வுகளை போலியான

உதட்டசைப்பினால் செல்போனில் சொன்னதில்லை

 

உண்மைகளை எழுத்தில் கொட்டி கடிதமாக்கினோம்

உள்ளபடியே அதனால் சொன்ன சொல்லில் இருந்து மாறியதில்லை.

 

எங்களிடம் செல்போன் டிவிடி, ப்ளை ஸ்டேஷன், எக்ஸ்பாக்ஸ், வீடியோ கேம் இல்லை

எண்ணிச் சொல்ல நிறைய நிஜமான நண்பர்கள் இருந்தனர்

 

வேண்டிய பொழுது நினைத்த நண்பர்கள் வீட்டில் உணவுண்டு மகிழ்வோம்

வேண்டுவதில்லை தொலைபேசியில் அனுமதியை அவர்கள் வீட்டுக்கு செல்ல

 

திறமை மிக்க தலைவர்கள் எங்களுக்கு ரோல் மாடல் ஆக இருந்தனர்.

திறமையை தேடும் ஊழ்அல் வாதிகள் அல்லவா இன்று தலைவர்கள்

 

அவர்கள் சமுகத்திற்காக தங்கள் செல்வங்களை செலவிட்டனர்

இவர்கள் சமுக செல்வங்களை கொள்ளை அடிப்பவர்களா தெரியவில்லை

 

உறவுகள் அருகில் இருந்தது உள்ளமும் நன்றாக இருந்ததால்

உடல் நலம் காக்க இன்சூரன்ஸ் எடுத்தத்தில்லை

 

ஊரில் எடுத்த புகைபடங்கள் கருப்பு வெள்ளையாக இருந்தாலும் அதில்

உள்ளவர்களிடம் வண்ணமயமான நல்ல எண்ணங்கள் இருப்பதை உணரலாம்.

 

இப்போது எடுக்கப்படும் படங்கள் கலராக இருக்கலாம் ஆனால்

இதில் உள்ளவ்ர்களின் எண்ணங்கள் (ஏனோ) கருப்பாகவே இருக்கின்றன.

 

இலவசம் பெறும் பிச்சைகாரர்களாக இருந்ததில்லை.

இன்னும் ஏதாவது கிடைக்குமா என ஏங்கியதில்லை

 

இந்த காலங்களில் பிறந்தவர்கள் அதிர்ஷ்டசாலிகளா

இல்லையா என்பதை இப்ப சொல்லுங்கள்???